Måned: august 2008

Máni skólastrákur þegar hann fór í skólann þriðjudag. 🙂 Þegar ég sá þessar myndir fór ég í H og M og keypti föt sem passa á hann. Fannst hann eiga skilið að eiga fín skólaföt svona fyrsta árið, sem passa á hann og geyma erfðagóssið þangað til hann stækkar aðeins meira. Annars erum við svo heppin að hann erfir svo mikið af fötum (eins og mamman líka), en núna mátti ég til að splæsa á gaurinn, sem var mjög sæll með kaup móður sinnar.

Mér finnst mjög skrýtið að hann sé orðin svona stór og mér finnst mjög erfitt að sleppa honum svona lausum í hörkulegum heimi skólavistarinnar. 🙂 Vonandi plummar han sig vel og vonandi er engin sem stríðir honum… en ég hef haft tendensa til að vera “hræðilega mamman” og ætlað að hringja í kennarann á hverju kvöldi… “hann borðar ekki nestið sitt”, “hann sagði mér að sumir kalli hann Magnus, geturðu ekki æft með börnunum nafnið hans”…. “Máni sagði að þau hefðu fengið gos í skólatímanum, finnst þér það við hæfi?”. En ég hef hamið mig.. 🙂 ha ha sem betur fer fyrir Mána greyið. (Og kennarann). Allaveganna er hann mjög sæll og glaður með sitt. En mjög mjög þreyttur þegar hann kemur heim.

Óliver er farin að hafa það gott á leikskólanum, leggur sig eftir hádegi og vildi ekki koma með heim í dag, þar sem hann var of önnum kafin við að leika sér. Hann er þó mjög hress hér heima eftir leikskólann, svo hann vantar greinilega smá útrás og athygli – kannski af því að hann getur ekki sagt svo margar sögur og bullað á dönsku. En hann stendur sig vel hér heima í bullinu og kröfunum 🙂 Við matarborðið í gær sagði hann:

“manstu þegar Arnór gubbaði, svona hvítt gubb, það var eins og fuglakúkur”

“ég get ekki átt pabba bangsa, ég get ekki átt Röskvu bangsa, ég get ekki átt Mána bangsa, ég get ekki átt mömmu bangsa….. ég verð að fá svona bangsa úr vél” þessu kommenti verður að fylgja, að það eina sem amma og afi bönnuðu gaurnum í ferðinni hér var að reyna að veiða svona bangsa í vél og hann nefnir þennan bangsa oft 🙂 mjög óréttlátt greinilega… ha ha. En hann talar líka mikið um Kong Fu panda myndina, sem þau buðu honum á – svo það er margt eftirminnilegt.

Í kvöld komu Frank, Louise og Albert í mat. Frank er gamall vinur hans Kim frá Köben og Louise er konan hans og Albert er 4 ára gaur. Óliver fílar Frank í botn og elskar þegar þau koma. Við ætlum að borða saman á miðvikudögum til skiftis hér og þar.

Húsmóðir heimilisins er með eindæmum hress og þó að hún hafi vaknað klukkan 6, skilað börnum, farið að vinna, skroppið í H og M, komið við heima og gengið frá þvotti, sótt börn og svoleiðis bakaði hún líka súkkulaðiköku… sko mína 🙂 Hvar endar þetta? En núna ætla ég upp í stofu, kveikja á sjónvarpinu og taka til á meðan bjart er, því enn vantar ljós á efri hæðina, svona að mestu.

Hafið það gott á Íslandinu,

kær kveðja, Erla

- 6 kommentarer til Meiri skóli

Først til Sabrina. Hvor er jeg glad for at du savner at læse mine hverdagsindlæg 🙂 og jeg har jo også lovet dig at lave lidt “forældreblogging”, så det finder jeg lige ud af… 🙂 bare ikke liiige i aften, da vi jo er 3 her der har første skoledag i morgen og Røskva skal begynde hos sin rigtige dagplejemor for første gang…. kold tyrker den hedder 7 til 15. Sådan ser vores virkelighed ud i morgen…. øv.

Nú sit ég í vinnuherberginu mínu í fyrsta sinn. Kim hefur fengið leyfi til að fá að vera hér, þangað til hann er búin að koma sér fyrir þar sem hann vill hafa vinnuaðstöðu. Ég er búin að plana hvernig þetta herbergi á að vera, en bíð aðeins með að koma mér almennilega fyrir, þangað til leigusamningurinn við Kim rennur út. Þá verður þetta mitt eigið herbergi og með fullt af fjólubláu, hillum, myndum og dóti. Húrra. Ég á aldrei eftir að gefa þetta herbergi upp á bátinn :)……

Á morgun byrjar Máni í skóla. Stóri strákurinn minn. Og við Kim líka. Og Röskva fer í fyrsta sinn til sinnar dagmömmu (sem er búin að vera í fríi) og verður þar frá 7 til 15. Prump og piss með það. En það þýðir víst ekkert að vera að væla yfir því, svona er þetta bara og þessi vika verður líklega bara strembin. Hinsvegar erum við að innfæra hversdagsrútinuna núna, svo það verður tekið hart á þvi. T.d. er búið að svæfa öll börnin og klukkan er 20:00. Þau þurfa á góðum svefni að halda, þegar svona mikið nýtt er í gangi. Og við líka, svo núna er bannað að hringja á virkum dögum eftir klukkan 22, dönskum tíma (nema smsa fyrst) og þá er klukkan 20 á Íslandi. 🙂

Svo á Ingvar Freyr bróðir minn afmæli í dag. Til hamingju með það. Húrra fyrir þér og Óliver sendir þér alveg sérstaklega góðar kveðjur. Hann talar mikið um þig og alltaf sem Ingvar Frey vin hans, “hvar er Ingvar Freyr vinur minn núna?”

Og jæja, ætli ég ætti ekki að fara að smyrja nestið, pakka í töskur, fara í bað og svona. Svo við séum tilbúin fyrir daginn stóra. Og… ætli maður þurfi svo ekki fljótlega að fara að huga eitthvað að þessari nýju vinnu… ha ha ha.

Sakna ykkar. Góða nótt. Erla

- 3 kommentarer til Að byrja í skóla :)

jæja, langt síðan ég hef látið heyra í mér. En það er brjálað að gera. 🙂 ha ha.

Ég er að fara að vinna á morgun og hlakka bara til. Það verður ágætt að hugsa um annað en aðlögun hjá ungunum og húsið. The house. Huset. Heimilið. Jep.

Pabbi og Ingibjörg eru búin að vera hjá okkur og fara á fimmtudaginn. Og tíminn með 4 auka hendur hefur verið vel nýttur. Búið að klára herbergið hans Mána, setja alla lista, byrjað að bera inn kassa, búið að kaupa bókahillu fyrir ungana, Máni búin að fá skrifborð og tilheyrandi, byrjað að koma okkur fyrir í stofunni og í þessum skrifuðu orðum er Kim að setja upp tölvuna sína. Svo… allt í allt, gengur mjög vel. Og já var næstum búin að gleyma sandkassanum, sem er sá stærsti í hverfinu og þegar sandurinn kom í dag voru allt í einu mættir 7 vinnumaurar úr nærliggjandi húsum til að hjálpa til við að ferja sandinn.

Svo erum við búin að fara á ströndina með ömmu og afa, fara í bæinn, á Egeskov slot og í dag fóru drengirnir í bío að sjá kong fu panda.

Kim og ég nýttum einnig pössunarmöguleikann og skelltum okkur í bíó í gær og sáum batman. Og bestu meðmæli sem ég get gefið eru að ég var vakandi allan tíman. Sem sagt, fín og flott mynd.  🙂  (ég var annars viss um að ég væri að fara að borga fyrir að fá mér lúr… )

Óliver gengur vel í sínum leikskóla.

Máni er að fíla sig í botn að leika við nágrannana, hjóla og fara í SFO, þó mömmunni finnist hann stundum halda að hann sé orðin aðeins stærri (og meira cool) en hann raunverulega er.

Röskva getur nú tekið 10 skref óstudd, en hún er samt frekar kröfuhörð á að hafa fingur við höndina, skyldi henni detta í hug að þurfa að stiðja sig. Hún var hjá dagmömmu í dag í 3 tíma og gekk vel, sem er mjög gott því í gær og fyrradag, var hún ekki mjög hress með þetta fyrirkomulag. En á morgun er engin miskunn. Vinnan kallar.

Og við hér erum bara farin að hlakka til hversdagsins.

Og minni ykkur á að fara að skrifa afmælispóstkortin, því hér ber pósturinn líka út á laugardögum og hver á aftur afmæli 16.ágúst..???????

- 5 kommentarer til Bráðum hversdagur :)