Röskva tók pabba sinn með á svona indjánadag hjá dagmömmum í Svenborg, síðasta fimmtudag. Þau höfðu það víst bara voða huggulegt feðginin.

Í dag var “storskrald” þ.e. að við og önnur hús hérna í hverfinu, getum sett ýmislegt sorterað rusl og annað út við veginn og svo kemur stór ruslabíll á morgun og tekur það allt. Strákarnir fóru í veiðiferð um hverfið og fundu ýmsilegt, sem þeim fannst nothæft. Máni í litla skotið sinn, bak við trén – leynistaðinn og Óliver opnaði búð. Fyrst á eldhúsgólfinu, á teppinu sem hann taldi vera algerlega hreint og fínt, en sættist svo við að flytja verslunina út í skúr

Og svona er moster (Ragnheiður) með í stofunni sinni segir Óliver.

Haustglugginn, kastaníur og snaps í gerð

Enn ein góð helgi að baki. Yndislegt veður og notalegheit. Krakkarnir eru í góðum gír og hér eru myndir af yngstu og elsta í nýjum afmælisgjafarfötum. Á föstudaginn var Kim að stjórna slammi, en Ane, Alma og Vigga komu í kvöld heimsókn eftir matinn. Mjög huggó.

Hoppudýnan er notuð á hverjum einasta degi.

Á laugardeginum fór Kim að lesa niður í bæ og við hin fjögur fórum á bókasafnið í ævintýrabingo. Það er nefnilega svona bókmenntahátíð hér í bænum og margt í gangi. Við keyptum okkur ís og löbbuðum niður í bæ, bara í smá sumarfíling. Heima var svo bara leikur og praktísk verkefni, svona eins og gengur og gerist. Um kvöldið fórum við Kim svo út að borða og að hlusta á upplestur. Fengum rosa góðan indverskan mat. MMM. Og í dag fórum við í sund og svo var verið að vinna í garðinum og Kim að leggja flísar.

Óliver að smíða.

Og Máni að leika við Anton.

Ég og Lone nágranni keyrðum svo í fitness…. en það var lokað. ÆI. Jæja, góðar stundir.

Kim fór með öll börnin fimmtudag og hitti Jeppe, með sín börn og Lars í sumarbústað sem þeir fengu lánaðan. Yndislegur staður og stutt niður á strönd. Hafið bláa hafið . Ég, Anna og Troels komum svo á föstudeginum. Var ekki alveg nógu dugleg að taka myndir en hér eru nokkrar.

Óliver að kenna litlu dömunum prumpuhljóð

Fórum að veiða krabba á laugardeginum og það er eitt af því besta sem ég veit. Rosalega skemmtilegt. Skil samt ekki alveg af hverju ég er svona æst í þetta

Röskva var rosalega ánægð með Troels alla helgina og var mikill klíningur, sem var notalegt fyrir þau bæði.

Á leið á ströndina á meðan bræðurnir þrífa bústaðinn.

Og Máni er mikill náttúruáhugamaður. Elskar ber, að skoða sveppi og finna dýr. Hann fann þessa fínu lirfu.

Liva, Asta, bedstefar, Röskva, Máni og Óliver.