Laugardaginn, þegar Kim og Máni voru búnir í rollespilinu og við Röskva og Óliver búin að fara í æfingagöngutúr í Netto, komu nágrannarnir yfir til að mála á öskudagstunnuna. Við Lone erum nefnilega að plana “fastelavn” fyrir krakkana í götunum okkar. Þetta mun fara fram næsta sunnudag og núna er tunnan sem sagt klár. Svo bakaði ég vöfflurnar og það var troðið í sig. Máni lék svo við David allan daginn og hann endaði með að gista hér. Ég fór á djamm með vinkonu minni og það var rosa gaman, en mér finnst allt for mikið rugl að eyða heilum degi í að vera timbruð, þannig að það mun líða langur tími þangað til þetta verður endurtekið. Máni fór svo í dag að leika við annan bekkjarfélaga og ég fór með Óliver í sund (eftir að hafa borðað höfuðverkjatöflur og vatn í morgunmat ). Það var voða huggó hjá okkur og ég lifði þetta af. Á meðan fór Kim í æfingagöngutúr með frökenina. Svo lá ég á sófanum og leyfði ungunum að horfa á sjónvarp og hanga, því ég gat ekki annað. Á meðan fór Kim að sjá svona kórakynningu á öllum kórum sem  eru í Svendborg, og ætlar hann að prófa að fara á kóræfingu á morgun. Og nú er búið að horfa á forbrydelsen og nú ætla ég að skríða uppí og byrja mitt alkóhól bindindi . Góða nótt.

Jæja – hér er huggulegur laugardagsmorgun í gangi. Við erum að bíða eftir að vekja Kim, því hann og Máni eru að fara í “rollespil” í skólanum hans Mána, eins og þeir haf gert nokkra laugardaga í vetur. Máni elskar að búa til vopn, skikkjur, skjöld osfrv. og hlakkar til alla vikuna þegar að þessu kemur.

Röska fór til dagmömmunnar síðasta þriðjudag og búin að vera út vikuna. Dagmamman er frekar þreytt á því hvað daman er löt að labba og þrjósk. Mér sjálfri finnst nokkuð aðdáunarvert hvað dóttir mín er viljaföst og hvað henni er lítið í mun að gera öðrum til geðs. Ég ætla ekki að reyna að ala þetta úr henni!!! En er farin að hlakka til að hún komist í leikskóla, svo ég þurfi ekki að hlusta á þetta “kvart” yfir henni

Óliver var með hita þegar ég sótti hann á miðvikudaginn, svo við tvö vorum heima á fimmtudaginn. Hann varð strax hressari.

Svo er allt í Svendborg ennþá, en ég hjólaði í gær framför.

Á miðvikudagskvöldið varð tvöföldun á börnum hér og þetta endað með smá barnapartýkvöldmat huggulegt.

Óliver vildi að ég málaði hann eins og vampíru, þegar hann var heima lasinn. Skil ekki af hverju ég varð ekki sminka

Á fimmtudaginn urðu smá pósur við kvöldmatarborðið. Kim var að vinna fram á kvöld og ég að fara í 2 foreldraviðtöl, svo Lærke kom og passaði. Gertie vinkona fékk mig svo með sér að hlusta á jazz, svo þetta varð hið besta kvöld.

Í gær prófaði ég Römertoph pottinn í fyrsta sinn og á eftir að nota hann mikið. Brilliant uppfinning og góður matur! Eftir mat og bað á ungum og svona fór ég í leikhús með 2 vinkonum hér og í kvöld er ég aftur á leið út. Mjög kúltúrall og aktív helgi hjá húsmóðurinni. Og í dag ætlum við líka að hitta nágrannana eitthvað og mála tunnuna fyrir “fastelavn”, ætli maður baki þá ekki vöfflur ha ha. Í næstu viku er Kim að fara að kenna ljóðaslamm á sjálandi, svo ég verð ein með ungana miðvikudag til laugardag. Alltaf nóg að gera og svo styttist í Möltu

Jæja læt þetta duga í bili. Góðar stundir. Erla

Sófahugga og disneyshow – föstudagskvöld.

Laugardagsmorgun.

Farið af stað að renna og á bókasafnið.

Sunnudagssnjókarlar

Anna, Jörgen, Marta og Tómas komin í heimsókn

Það er spáð miklu veðri á morgun, svo það verður spennandi að sjá hvort við komumst út úr húsinu