Ágæti viðtakandi,
undanfarin misseri hafa Íslendingar verið fyrirferðarmiklir í dönsku
viðskiptalífi, brölt þar um með sínar hispurslausu hugsjónir og bylt gömlum
og grónum siðum nágranna okkar. Þessi útrás hefur valdið mörgum ugg, en þó
ekki öllum, því ákveðinn hópur danskra öláhugamanna hefur ákveðið að snúa
dæminu við; hið danska bruggfélag Marienhaab Bryghus hefur ákveðið að opna
íslenskt útibú.
Marienhaab Brughus byggir á þremur meiginþáttum: ódýrum bjór, góðum
félagsskap og þeirri einstöku dönsku hefð að “hygge sig”.
Þér er hérmeð boðið á kynningarfund hugsanlegra stofnfjárfesta. Á fundinum
verður hugmyndin bak við Marienhaab Bryghus kynnt nánar, hugsanleg
framleiðsla næsta árs rædd lauslega og tæmdar bjórflöskur fyrir fyrsta brugg
hins íslenska útibús.
Það væri okkur heiður ef þú sæir þér fært að mæta að Sóltúni ___ bjalla 503,
þann 26. nóvember klukkan 20.30. Mikilvægt er að þú mætir með sex
bjórflöskur og tæmir þær á meðan fundinum stendur.
Virðingarfyllst
Kim Linnet, útibússtjóri
Matthias Kristjansson, framkvæmdastjóri
