Jæja, komin tími á smá skýrslu. Kim þurfti aftur að fara að slamma á föstudaginn og svo í starfsmannapartý, svo ég var ein með ungana. Alltaf þetta blessaða flakk á manninum. Og þá gæti nú verið huggó að troða sér í mat í familíunni ;-), en nóg um það og ekki meira væl frá mér. Allaveganna þá passaði ég Albert son vina okkar líka og hér sjáið þið hersinguna gæða sér að barnamatseðli föstudagsins: kjúklingalæri, kartöflur og brauð. Strákarnir voru rosa góðir allan daginn og héldu tölvubúðir. Það var spilað á gameboy, playstation, pabbatölvu og mömmtölvu og allt í miklu bróðerni og með fylgjandi reglum um “hver á að gera, og hvernig maður skiftist á”. Mjög gaman og notalegt at finna hvað þeir eru góðir þessir gæjar. Og svo var auðvitað disney show og nammi. Ungfrúin var mjög þreytt og stóð svona á svolitlu væli, þangað til bollinn með namminu birtist. Þá lifnaði yfir henni og hún varð hrókur alls fagnaðar, litla þreytta prinsessan. Þeir sofnuðu svo eftir smá meiri leik og gláp. Máni er farin að sofa alltaf í sínu herbergi og gengur rosa vel með það, svo hann og Albert sváfu uppi. Óliver vaknaði svo klukkan 6 laugardagsmorgun, en mér tókst að sannfæra hann um að sofa lengur. Máni og Albert komu svo niður til mín og spurðu hvort þeir mættu horfa á teiknimynd og ég sagði að þeir mættu gera allt sem þá langaði uppi. 🙂 Svo sofnaði ég aftur og vaknaði svo í panik klukkan 9:20 og þaut inn til Röskvu og hélt að eitthvað hræðilegt væri í gangi fyrst hún var ekki vöknuð. En hún var bara svona lúin dúllan, að hún svaf bara á sínu græna þangað til mamman rauk inn og vakti hana 🙂 Seinna á laugardeginum skrapp ég svo með ungana á róló niður við strönd í lánuðum bíl og það var mjög huggó. Við fundum fullt af krabbaskeljum og létum þær sigla og það var gott mótvægi við alla tölvuleikina :). Svo kom mamma hans Albert og sótti hann og var hjá okkur í kaffi og huggulegheitum frameftir degi. Ane og Alma kíktu líka við, svo þetta var hinn huggulegasti eftirmiddagur. Svo var búið að bjóða okkur hjónum í matarboð, en við fengum ekki pössun svo ég fór bara ein.
Og þetta er grillaður humar sem var í forrétt. Ótrúlega gott.
Christina vinkona mín góða hér og hennar maður, Jesper.
Per sem hélt boðið og gjöfin mín til þeirra… lífsnauðsynleg 🙂
Marianne konan hans í heimaprjónaðri peysu. 🙂
Og ég að skála í 41 árs gömlu whiskey. Gott að rifja þá takta aðeins upp. Ég var nú góð í whiskeyinu forðum daga og það kom í ljós að ég er enn nagli í þeim málum :). Við fengum andabringu í aðalrétt og ávaxtatertu í dessert. Rosa flottur matur og drykkir og öl og irish coffee og svoleiðis góðgæti, svo ég var mjög stolt yfir því að geta hjólað heim um 2 leytið 🙂 Skemmtilegt kvöld með góðri þjálfun af lifrinni.
Pabbi hans Per fékk þetta whiskey þegar hann varð fertugur og nú er það sem sagt 41 árs. Flaskan var opnuð við hátíðlega athöfn í gær.
Í dag þurfti Kim svo að fara til Odense á fund, svo ég var í hjólatúrum, brauðsmyrjingum, málandi með vatnslitum með ungunum. Loksins eru nágrannarnir komnir heim úr fríi, svo Karoline kom í heimsókn og svo kom vinur hans Ólivers í heimsókn og mamma hans og litli bróðir stoppuðu í góða stund, léku sér og drukku kaffi :). Óliver æfði sig að hjóla án hjálpardekkja og Röskva er orðin þrusugóða á þríhjóli. Maðurinn neyddist svo til að koma heim og elda handa okkur og nú skríður frúin í bælið og bíður næstu viku 🙂 Góðar stundir.
PS. KOMIN VETRARTÍMI HÉR.
- 1 kommentar til Helgi með börnum og einu matarboði :)
