Kategori: Erlas blog

Núna sit ég uppi í stofunni okkar og horfi á fatahrúgur um allt gólf. Ætla að fara að koma fötunum okkar í sístem, svo við getum fundið það sem við leitum að. Sófinn er komin upp og við höfum fengið lítið gamalt sjónvarp, þar sem okkar komst ekki með í gáminn. Strákarnir eru að leika sér, búið að finna brio lestina og legoið. Þeir vilja helst vera þar sem ég er í dag, svo þeir eru hér með mér uppi. Kim er að taka upp úr kössum í eldhúsinu. Bað og eldhús tilbúið. Og búið að mála allt niðri. Aðeins nokkur svona smáatriði eftir. Andreas, Ane og Louise vinir okkar komu í gær og hjálpuðu og þá komst allt á skrið. Svo eigum við eftir að mála listana og panta gólfefni, svo núna komum við okkur fyrir hér uppi, þangað til gólfin eru komin á niðri. En voða gott að eldhús og bað eru nothæf. Og svo er veðrið búið að vera yndislegt, svo við höfum bara verið úti frá morgni til kvölds. Í gærkvöldi fór ég í bío með Ane og sá sex in the city og málaði svo eitt herbergi þegar ég kom heim 🙂
Allaveganna er dagurinn í dag tileinkaður að koma sér smá fyrir og slappa aðeins af, hvíla okkur á málningunni og Troels hefur fengið leyfi til að vera utandyra í dag, hann er mjög sæll með það :).
Jæja best að koma sér að verki. Söknum ykkar

Jamm, ég fór upp að svæfa strákana þegar við vorum komin heim úr bænum, þar sem við fengum okkur að borða. Ég steinsofnaði. Örugglega ölinn sem ég renndi niður með matnum.. :)…ööö nei við erum svolítið þreytt þessa dagana..

Mánudag komu Lars og Troels (pabbi han Kim og litli bróðir hans) og þeir byrjuðu að undirbúa málningarvinnuna, meðan ég var með krakkana hjá vinkonu minni. Og það er ekki alltaf auðvelt að reyna að vera þægilgur gestur þegar maður á 1 stk. Röskvu og 1 stk. Óliver… 🙂 Miðvikudag sóttum við dótið okkar og plöntuðum því í garðinn og bílskílið og bárum rúmin upp á 1. hæð og sváfum öll í húsinu. Troels líka. Lars svaf í sínum bíl, eins og hann hafði gert og Hella (mamma hans Kim), kom líka í sirkuspartýið og er nú í tjaldi í garðinum. Sem sagt allt á fullu. Búið á mála í allan dag, en þetta gengur nú ekki mjög hratt á daginn, en Troels er brilliant hjálpari. Við höfum líka þurft að koma praktískum hlutum á hreint og á morgun fer Máni í heimsókn í skólann sinn að skoða, mánudaginn fer Óliver í heimsókn í leikskólann og fimmtudaginn hittum við dagmömmu Röskvu. Hinsvegar hafa Kim og Troels verið á fullu eftir að börn (og kona)sofnuðu í kvöld, svo morgundagurinn boðar gott. Í dag fór Hella með strákana á ströndina í 4 tíma og það er einnig plan morgundagsins, nema að Lars fer á morgun.

Við erum komin með garðhúsgögn og höfum búið utandyra á daginn, þar sem eldhús, bað og öll neðri hæðin er undirlögð. Þess vegna erum við þakklát fyrir að veðrið er búið að vera yndislegt, kannski heldur heitt fyrir alla þesaa vinnu 🙂

Allaveganna reynum við að anda djúpt, halda ró okkar og sigla þetta svona bara eftir bestu getu…. og ætli það gangi ekki eins og alltaf. Þetta reddast. Góða nótt. Erla

Jæja. Þá erum við komin með lyklana að Mellemvej 22, 5700 SVendborg. 🙂

Húsið er rosa fínt með nýju gluggunum. Í kvöld sofa ég og ungarnir hjá Ane, Andreas og Ölmu, en Kim sefur í húsinu með pabba sínum og litla bróðir. Fyrir hádegi á morgun kemur málingin og þá hefst fjörið.

Litlu krílin standa sig vel, en eru orðin svolítið ringluð á tímamun og fjölbreytileika svefnstaða þessa vikuna 🙂

Meira seinna, góða nótt.

Frú Linnet

Þá er best að fara að blogga á íslensku aftur, núna þegar tilveran er í kössum á leið til Danaveldis. Ég er frekar lúin þessa dagana og leið inn á milli. Hef ekki þolað kveðjustundir síðan ég flutti út fyrst fyrir ca. 11 árum, og núna eru þessar kveðjustundir endalausar. Tekur á grátkirtlana, en ég reyni eftir fremsta megni að taka mig saman í andlitinu, svo ég verði ekki of þrútin og bólgin á Kóatíu :). Við erum búin að vera ótrúlega dugleg að pakka og standa í allskonar praktísku veseni og höfum svo líka reynt að fara á kaffihús, fara út að hjóla með krakkana og svona, svo dagarnir verði ekki of leiðigjarnir. Strákunum finnst ekki mikið varið í heimili okkar þessa dagana, en þeir virðast svona nokkurn vegin ætla að halda sínu striki.  í gær þegar ég lá í örlitla stund á sófanum og var svona svolítið búin áþví, þá spurði Máni mig hvað væri að. Ég svaraði að mér væri illt í maganum, því það er svo auðvelt fyrir börn að skilja að maður sé ekki vel upplagður, sé manni illt í maganum. Þá sagði dúllan: “heldurðu að þú þurfir ekki bara að borða eða kúka”….. Það er lausn við öllu og lausnin mín er líka í sjónmáli, því aðfaranótt sunnudags mun ég sitja í flugvél á leið í frí 🙂

Vi andre, ved hvor vi kommer til at befinde os en stor del af tiden fra 1.august 2008. Jeg skal undervise paa Haahrs skole, Kim paa Thurö skole, Máni skal gaa paa Nordre skole og Óliver har faaet plads i Belvedere börnehave. Alting i cykel afstand. Hurra!