Forfatter: Erla Ingvarsdóttir

Í gær var þvílík rigning. Máni fór að leika við Andreas vin sinn og við hin fórum á Naturama safnið hér í Svendborg. Svo var bara farið heim í huggulegheit. Í dag fór Máni að leika við Ölmu vinkonu sína og við hin fórum á lestarsafnið í Odense. Rosalega skemmtilegt safn og krakkarnir nutu þess í botn. Þegar heim kom, skilaði ég bílnum (þó mig hafi mest langað til að halda honum… ;-)) og Ragnheiður bakaði pönnukökur á meðan. Svo kom Ane með Ölmu, tvíburana og Mána og kíkti inn í smá stund. Eftir matinn var svo bað, lærdómur og svo 2 tomma og jenna þættir. Og nú er nestið tilbúið og mánudagurinn getur komið með sól í heiði 🙂

Röskva á lestarsafninu.

Það mátti fikta og snerta margt þarna.

Auðvitað er daman undir stýri 😉

Pönnsur með sýrópi!

Vigga og Storm 🙂

á Miðvikudagskvöldið komu gestir og Kim fékk far til Köben. Huggulegt hjá okkur, en hann er nú ekki alltaf kvaddur með svona veislu gamli kallinn! 😉

Á fimmtudagsmorgni komu svo Asger – vinur hans Ólivers, litli bróðir hans og mamman – vinkona mín og fengu sér morgunkaffi og Asger varð svo eftir að leika.

Máni fékk Andreas og Johnny í heimsókn, svo það voru 5 gaurar og ein prinsessa í garðinum 🙂 Ég stóð mig vel, bakaði muffins og hitaði kaffi fyrir sækjandi mæður og var voðalega mömmuleg 😉

Svo kom Ragnheiður 🙂 Húrra! og í töskunni leyndust þessi flottu sumarföt frá afa og ömmu í Ekrunni. 🙂 Takk fyrir þetta.

Kjúklingur í kvöldmatinn.

Í dag var líka frí, svo ég fór og náði í bíl, sem við leigðum og við fórum í “den fynske landsby” sem er svona svolítið eins og Árbæjarsafn. Og keyrðum svo í Smörmosen á Thurö og fengum okkur ís og kaffi þar og lékum okkur.

Við Ragnheiður vorum svo að horfa á eina bíómynd og nú kallar bælið. Góðar stundir.

Það eru liðnar 2 helgar núna og því af nógu frá að segja. Síðustu helgi þegar Kim var á Jótlandi var ég hér heima, hálflasin með alla mína unga. Þetta var nú í fyrsta sinn síðan við fluttum hingað, þar sem ég hef verið rúmliggjandi í sólarhring. Ja sei sei. En helgin gekk nú vel og börnin voru mjög góð við mömmu sína.

Á föstudeginum fórum við í skólaleik, þar sem Óliver var hinn mjög duglegi nemandi Jakob og ég var hin mjög stranga kennslukona Margrethe. 🙂

Og hér er alvöru skólastrákurinn í alvöru heimanámi 😉

Á laugardeginum fórum við í legeland og þegar heim var komið hringdi mamman eftir pizzu – já maður kann nú ýmis trix, til að láta hlutina ganga þegar maður er einn með alla ungana. 🙂 Á sunnudeginum fór Máni í heimsókn til vinar og við hin hugguðum okkur hér heima.

Og þá er komið að þessari helgi, sem nú er að verða búin. Þetta var löng helgi, þar sem föstudagurinn er frídagur hér. Þegar Kim kom heim úr sjónvarpinu, fór ég í gítarhóptíma 🙂 Ég er með svakaleg plön um að meikaða, svo veriði viðbúin! Smelly cat, smelly cat!

Á laugardeginum fórum við í sund og svo fór Kim til Odense um kvöldið að troða upp. Í dag voru svo engin plön, svo við ákváðum að drífa í að kaupa rennibraut í garðinn, af því að við erum búin að vera að ræða það í 2 ár 😉 Kim var massa duglegur og setti þetta allt saman saman í dag!!!

Og svo var búið að lofa Óliver grill pylsupartýi, svo það var grillað í fyrsta sinn í ár 🙂

Og við tvöfölduðum barnaflokkin 🙂

Ætlaði að skrifa mun meira, en verð víst að fara í nestið og bælið. Ég er svo að fara í skólaferðalag í næstu viku, þriðjudag til fimmtudags. Og svo ætlar Kim til Jótlands með alla ungana föstudag til sunnudags, svo ég veit ekki alveg hvernig ungamamman á að takast á við þetta 😉 Ég hef gott af þessu! jæja, góðar stundir 🙂

Jæja, þá er komið að smá bloggi hér. Helgin var hlaðin skemmtilegheitum ;-). Við Kim í fertugsafmæli laugardag og ungarnir allir að gista hér og hvar og það gekk bara vel. Á sunnudeginum fór ég með Óliver, Ölmu og Mána á tónleika á uppáhalds barna hljómsveitinni hér, sem spilaði á Naturama. Svo kom Alma með okkur heim, borðaði, fór í bað og horfði á disney. Jamm, það var rugl á disney út af afmæli drotningarinnar 😉 Í dag þurfti ég að ná í Mána snemma á frístundaheimilið, honum leið illa. Lone bjargaði mér og sótti hin börnin 2 fyrir mig, því Kim var að vinna til 19 – í foreldraviðtölum. En ég hef samt komið nokkru í verk í dag, fór t.d. í klippingu í morgun og út að hlaupa í kvöld. Við vonum svo bara að allir séu hressir á morgun :-), því þetta er enn ein pússluspilavikan og Kim verður burtu alla næstu helgi!.

Flotti dansigaurinn sem segir t.d. “mor, den her dans, kalder jeg for min fantasidans” og segir mér að þau lög sem hann semur, fái hann frá Guði… ég hef alltaf vitað að hann hafi sérstök sambönd 😉

Alma og Máni

Frúin með nýja hárið 🙂

Jæja, þá er enn ein helgin liðin. Meira hvað tíminn flýgur áfram :-). Máni missti tönn á fimmtudaginn, setti hana undir koddann og fékk 20 kr. frá tannálfinum

Á föstudaginn kom Kim heim og tók yfir stjórn heimilisins og ég lagði mig 😉 Í gær var ég í svona Kaupmannahafnarferð með vinnunni, þar sem við fórum aðeins á Strikið, sumir fóru á Christaniu og svo fórum við í leikhús, út að borða og í einn öl. Rúta fram og til baka.

Á meðan samstarfsfólk mitt var á Christianiu, hitti ég Line vinkonu mína úr kennó. Við hittumst svona ca. þriðja hvert ár.

Á meðan höfðu allir það gott hér heima, Kim dreif sig í sund með liðið og David gisti hjá Mána.

Í dag höfum við sýslað svona sitt hvað og eitt er víst að ég fer SNEMMA að sofa 🙂

Góðar stundir!