emtekaer.dk

á Mellemvej 22. Drifum okkur heim af Ölejr í gær, eftir 3 nátta tjaldútilegu. Okkur langaði að halda áfram með húsið, gólfefnið var komið, svo eftir engu að bíða. Ölejr var sniðugt. Sniðugt að vera svona í fríi saman, en maður þarf að þola að horfa á bera rassa, kúka í fötu og fara í kalt bað fyrir framan aðra. Sem og vaska upp í bölum, utandyra og auðvitað sofa í tjaldi. Flestir sofa í svefntjöldum, en við vorum með okkar eigið tjald með og það var nú aldeilis ágætt. En ég fór ekki í bað, mest út af kalda vatninu 🙂

Kim er búin að leggja gólf á krakkaherbergið hér niðri og á morgun verður svefnherbergið okkar tekið. Allt er á réttri leið. Ég var að gera ruslasorteringsstöð í einum skúrnum í dag og Máni er búin að læra að hjóla án hjálpardekkja. Svo allt gengur vel hér. Stundum hellist heimþráin yfir mann, en húsið er notalegt og ramminn fínn.

Ég var svo að panta skólatösku fyrir skólastrákinn og við þurfum víst að fara að huga að nestisboxum á línuna, því nú fer sá tími að koma. Allir með nesti nema Röskva litla. Óliver vill bara brauð með remúlaði, svo ætli við verðum ekki tekin inn á teppið fljótlega á leikskólanum :).

1.ágúst hefst hin mikla aðlögun hjá börnunum þremur og þá verða afi og amma komin í hús, tilbúin að taka svæðið út. Amma Borghildur er búin að vera í heimsókn og á leið til Köben á morgun. Óliver spyr oft eftir öllum heima og vill fara í heimsókn, en er samt glaður í rauða húsinu sínu eins og hann kallar það.

Jæja, best að fara að brjóta saman föt og drekka rauðvín með múttí og Kim.

Hvað er títt? Jú. Við ætlum að panta gólfefni á morgun. Og eftir smá stund erum við Kim að fara að sparsla smá hluta af gólfinu til að gera klárt. Planið er að undirbúa gólfin og fara svo á Ölejr og slappa af og hafa það notalegt í viku, og þegar við komum til baka hefjumst við handa við gólfleggingu. Og já við Kim erum að fara í sólarhringsbrúðkaup á laugardaginn og mamma ætlar að hafa alla ungana á meðan. Ég ætla að reyna að vera ekki með áhyggjur af krílunum og bara skemmta mér og slappa af með Kim og vinunum og njóta sólarhrings frís.

Annars líður mér svona í dag, að mig langar nú bara í hversdaginn. Komið nóg af róti og fríi með allri 5 manna fjölskyldunni. 🙂 Og plani og fjárhagspælingum. En sú tilfinning gengur fljótt yfir. Og áfram gakk.

Óliver leist mjög vel á leikskólann sinn og hlakkar bara til að fara þangað aftur. Hann vildi ekki fara með mér heim, fannst held ég bara gott að vera í friði og leika sér almennilega með almennilegt dót.

Röskva er í stuði alla daga og er nú orðin alvöru krakki sem á regngalla, stígvél, skó og sandala. 🙂 En það má ekki líta af frökeninni, því hún er út um allt og upp um allt.

Máni er í frekar góðum gír og skiftir um tungumál eins og ekkert sé.

Jæja maðurinn kallar, sparslið bíður.

Kær kveðja, frú Erla á Mellemvej

Núna sit ég uppi í stofunni okkar og horfi á fatahrúgur um allt gólf. Ætla að fara að koma fötunum okkar í sístem, svo við getum fundið það sem við leitum að. Sófinn er komin upp og við höfum fengið lítið gamalt sjónvarp, þar sem okkar komst ekki með í gáminn. Strákarnir eru að leika sér, búið að finna brio lestina og legoið. Þeir vilja helst vera þar sem ég er í dag, svo þeir eru hér með mér uppi. Kim er að taka upp úr kössum í eldhúsinu. Bað og eldhús tilbúið. Og búið að mála allt niðri. Aðeins nokkur svona smáatriði eftir. Andreas, Ane og Louise vinir okkar komu í gær og hjálpuðu og þá komst allt á skrið. Svo eigum við eftir að mála listana og panta gólfefni, svo núna komum við okkur fyrir hér uppi, þangað til gólfin eru komin á niðri. En voða gott að eldhús og bað eru nothæf. Og svo er veðrið búið að vera yndislegt, svo við höfum bara verið úti frá morgni til kvölds. Í gærkvöldi fór ég í bío með Ane og sá sex in the city og málaði svo eitt herbergi þegar ég kom heim 🙂
Allaveganna er dagurinn í dag tileinkaður að koma sér smá fyrir og slappa aðeins af, hvíla okkur á málningunni og Troels hefur fengið leyfi til að vera utandyra í dag, hann er mjög sæll með það :).
Jæja best að koma sér að verki. Söknum ykkar

Jamm, ég fór upp að svæfa strákana þegar við vorum komin heim úr bænum, þar sem við fengum okkur að borða. Ég steinsofnaði. Örugglega ölinn sem ég renndi niður með matnum.. :)…ööö nei við erum svolítið þreytt þessa dagana..

Mánudag komu Lars og Troels (pabbi han Kim og litli bróðir hans) og þeir byrjuðu að undirbúa málningarvinnuna, meðan ég var með krakkana hjá vinkonu minni. Og það er ekki alltaf auðvelt að reyna að vera þægilgur gestur þegar maður á 1 stk. Röskvu og 1 stk. Óliver… 🙂 Miðvikudag sóttum við dótið okkar og plöntuðum því í garðinn og bílskílið og bárum rúmin upp á 1. hæð og sváfum öll í húsinu. Troels líka. Lars svaf í sínum bíl, eins og hann hafði gert og Hella (mamma hans Kim), kom líka í sirkuspartýið og er nú í tjaldi í garðinum. Sem sagt allt á fullu. Búið á mála í allan dag, en þetta gengur nú ekki mjög hratt á daginn, en Troels er brilliant hjálpari. Við höfum líka þurft að koma praktískum hlutum á hreint og á morgun fer Máni í heimsókn í skólann sinn að skoða, mánudaginn fer Óliver í heimsókn í leikskólann og fimmtudaginn hittum við dagmömmu Röskvu. Hinsvegar hafa Kim og Troels verið á fullu eftir að börn (og kona)sofnuðu í kvöld, svo morgundagurinn boðar gott. Í dag fór Hella með strákana á ströndina í 4 tíma og það er einnig plan morgundagsins, nema að Lars fer á morgun.

Við erum komin með garðhúsgögn og höfum búið utandyra á daginn, þar sem eldhús, bað og öll neðri hæðin er undirlögð. Þess vegna erum við þakklát fyrir að veðrið er búið að vera yndislegt, kannski heldur heitt fyrir alla þesaa vinnu 🙂

Allaveganna reynum við að anda djúpt, halda ró okkar og sigla þetta svona bara eftir bestu getu…. og ætli það gangi ekki eins og alltaf. Þetta reddast. Góða nótt. Erla

Jæja. Þá erum við komin með lyklana að Mellemvej 22, 5700 SVendborg. 🙂

Húsið er rosa fínt með nýju gluggunum. Í kvöld sofa ég og ungarnir hjá Ane, Andreas og Ölmu, en Kim sefur í húsinu með pabba sínum og litla bróðir. Fyrir hádegi á morgun kemur málingin og þá hefst fjörið.

Litlu krílin standa sig vel, en eru orðin svolítið ringluð á tímamun og fjölbreytileika svefnstaða þessa vikuna 🙂

Meira seinna, góða nótt.

Frú Linnet