emtekaer.dk

Jæja – hér er huggulegur laugardagsmorgun í gangi. Við erum að bíða eftir að vekja Kim, því hann og Máni eru að fara í “rollespil” í skólanum hans Mána, eins og þeir haf gert nokkra laugardaga í vetur. Máni elskar að búa til vopn, skikkjur, skjöld osfrv. og hlakkar til alla vikuna þegar að þessu kemur.

Röska fór til dagmömmunnar síðasta þriðjudag og búin að vera út vikuna. Dagmamman er frekar þreytt á því hvað daman er löt að labba og þrjósk. Mér sjálfri finnst nokkuð aðdáunarvert hvað dóttir mín er viljaföst og hvað henni er lítið í mun að gera öðrum til geðs. Ég ætla ekki að reyna að ala þetta úr henni!!! En er farin að hlakka til að hún komist í leikskóla, svo ég þurfi ekki að hlusta á þetta “kvart” yfir henni 😉

Óliver var með hita þegar ég sótti hann á miðvikudaginn, svo við tvö vorum heima á fimmtudaginn. Hann varð strax hressari.

Svo er allt í Svendborg ennþá, en ég hjólaði í gær 🙂 framför.

Á miðvikudagskvöldið varð tvöföldun á börnum hér og þetta endað með smá barnapartýkvöldmat 🙂 huggulegt.

Óliver vildi að ég málaði hann eins og vampíru, þegar hann var heima lasinn. Skil ekki af hverju ég varð ekki sminka 😉

Á fimmtudaginn urðu smá pósur við kvöldmatarborðið. 🙂 Kim var að vinna fram á kvöld og ég að fara í 2 foreldraviðtöl, svo Lærke kom og passaði. Gertie vinkona fékk mig svo með sér að hlusta á jazz, svo þetta varð hið besta kvöld.

Í gær prófaði ég Römertoph pottinn í fyrsta sinn 🙂 og á eftir að nota hann mikið. Brilliant uppfinning og góður matur! Eftir mat og bað á ungum og svona fór ég í leikhús með 2 vinkonum hér og í kvöld er ég aftur á leið út. Mjög kúltúrall og aktív helgi hjá húsmóðurinni. Og í dag ætlum við líka að hitta nágrannana eitthvað og mála tunnuna fyrir “fastelavn”, ætli maður baki þá ekki vöfflur 🙂 ha ha. Í næstu viku er Kim að fara að kenna ljóðaslamm á sjálandi, svo ég verð ein með ungana miðvikudag til laugardag. Alltaf nóg að gera og svo styttist í Möltu 🙂

Jæja læt þetta duga í bili. Góðar stundir. Erla

Sófahugga og disneyshow – föstudagskvöld.

Laugardagsmorgun.

Farið af stað að renna og á bókasafnið.

Sunnudagssnjókarlar 🙂

Anna, Jörgen, Marta og Tómas komin í heimsókn

Það er spáð miklu veðri á morgun, svo það verður spennandi að sjá hvort við komumst út úr húsinu 😉

Pabbi og Ingibjörg komu á þriðjudaginn, beint í eyrnabólgudótturina og lungnabólgupabbann. Þess vegna var þeim fagnað alveg sérstaklega vel, og ósofin móðirin var einstaklega glöð að fá þau í lið með sér :). Máni var glaður að fá flatkökur og súkkulaðirúsínur 🙂

Og svo var elduð íslensk humarsúpa, sem ég fékk með mér í nesti daginn eftir. Svo það var íslenskt mont í hádeginu. Fína prjónapilsið frá mömmu og svo íslensk humarsúpa 🙂

Á miðvikudeginum voru allir heima, nema við Máni. Og á fimmtudeginum var 5 ára gaurinn vakinn með pökkum, fánum og söng.

Ég hafði tekið mér frí þennan dag og strákarnir í Ólivers hópi komu í afmæli með leikskólakennararnum þeirra frá 10 til 13.

Og við fórum út að finna blöðrur.

Og eftir pizzuna fengu þeir nammipoka og horfðu á vitlausu karlana.

Svo kom afi Lars líka í heimsókn.

Og um kvöldið fóru Kim, pabbi og Lars til Odense, þar sem Kim var að keppa í slammi.

Á föstudeginum bauð Lars okkur svo út að borða – Kim komst ekki með og Máni vildi frekar vera í skólanum, svo við vorum 6. Fengum fínan hádegismat á Börsen. Um kvöldið var auðvitað disney og hugga.

Á laugardeginum fórum við í göngutúr með sleða og á bókasafnið. Svo fór ég ein niður í bæ að hitta pabba og Ingibjörgu. Þau keyptu handa mér þennan fína Römertoph pott, svo núna á ég eftir að elda svo mikið og hollt að engin getur trúað því :). Gaman að því. Svo var eldað læri með tilheyrandi og ís í eftirrétt. Alger veisla. Í morgun fóru svo amman og afinn og það er aldrei gaman að kveðja. æi. Um þrjúleytið komu Anna, Jörgen, Tómas og Marta í heimsókn og þá var farið í sleðaferð, drukkið kaffi og borðað chili con carne. Rosalega gaman að þau skildu nenna að drífa sig. 🙂

Jæja, fleiri myndir seinna. Góðan sunnudag.

Nú jæja. Þá fáið þið að heyra aðeins í okkur aftur :). Ég er að bíða eftir að nýja tölvan mín komi í hús, svo ég verði almennilega tengd og þurfi ekki alltaf að panta tíma í tölvunni hans Kim ;-). Tryggingarnar eru búnar að borga mér pening og allt í góðu með það. Og hvað er þá títt? Það var brjálað að ger hjá mér í síðustu viku og t.d fór ég í þetta yndislega fína og fallega matarboð hjá samstarfskonu minni. Hún bauð öllum kellingunum í unglingadeildinni og maðurinn hennar eldaði handa okkur 4 réttað 🙂 afar sniðugt koncept finnst mér. Hér er ég áður en ég fór af stað. Sem betur fer sést ekki í tærnar á mér, þær eru í ullarsokkum. Hér snjóar enn og þó það sé fallegt og heimilislegt, þá er ég að verða svolítið þreytt á að baslast með hjól, matvörur og unga og í öllum þessum fötum! Á föstudaginn kom Lars líka við, hann var að fara í smá helgarferð til Jótlands. Hann kom með 2 kassa með ýmsu dóti sem Kim á og ma. þessa glæsilegu hárkollu sem sést neðar á myndunum. Á laugardaginn fóru Kim og Máni í skólann hans Mána, þar sem Kim er með, ásamt einum öðrum, svona hóp sem býr til vopn og svona í hlutverkaleik. Máni fílar þetta í botn. Svo fóru þeir feðgar í bíó og tóku Ölmu með. Á meðan héngum við Óliver hér heima og hugguðum okkur í rólegheitunum. Hann elskar að vesenast, spila aðeins á tölvuna, leika aðeins með transformers og svona. Við bökuðum svo vöfflur þegar bíófararnir komu heim og ég sá á Kim, að hann var að spá í hvort ég gæti kannski ekki æft mig í einhverju öðru 😉 kannski ég ætti að reyna við íslenskar pönnsur??? Svo var borðað og spilað matador og Alma gisti hjá okkur. Sunnudagurinn fór í leti, og þrif og þvott og uppvask, því nú er uppþvottavélin biluð. Ég hef nú ekkert á móti því að vaska upp, en þetta er ansi tímafrekt :). Kim og gaurarnir fóru svo í snjóþotuferð með bekknum hans Mána. Kim planaði þetta og það var rosa huggulegt og fínt fyrir þau. Óliver kom svo heim og tilkynnti mér að hann ætlaði að taka til í herberginu sínu í dag og hann gerði það og dundaði sér heillengi við að sortera og gera fínt. Hann gerði líka lag handa mér í morgun: “mor, hun er så sød og blød. Hun passer alle børnene. Hun elsker dem så meget, at hun vil altid have dem”  Við Lone, nágranni erum að plana öskudag/fastelavn hérna fyrir krakkana í götunni okkar og þeirra. Svo er ný vika framundan. Leikfimi hjá Mána á mánudaginn. Við að fara að borða hjá vini hans Ólivers (mamma hans er líka vinkona mín) á miðvikudaginn. Kim að fara í keilu með vinnunni á föstudaginn. Ég og gaurarnir að fara á körfuboltaleik á laugardaginn og ég svo að fara í kellingaafmæli á laugardagskvöldið. Sem sagt – nóg að gera 🙂 Og svo styttist í afa og ömmu í Ekrunni og afmæli hins yndislega Ólivers 🙂 Annars hafa ungarnir það rosa gott og madamma Röskva heldur ótrauð áfram að þróa góða ákveðnis takta. Svona eins og að krossleggja handleggi á brjósti sér og öskra NEINEINEI! Jæja, best að koma sér í bælið. Góðar stundir, E