Síðasta bloggið mitt sem 33 ára kona. Hmmmm.

Hér er ég á Leonard Cohen tónleikum, sem haldnir voru í gær. Fékk þennan miða í afmælisgjöf frá Kim. Bestu tónleikar sem haldnir hafa verið – ég hef bara aldrei upplifað aðra eins stemmingu. MMMMMM.

Og ef vel er að gáð stendur Cohen á miðju sviðinu

Og annars er það að frétta að ég fór með Óliver til lappalæknis á fimmtudaginn, því vinstri löppin er styttri en sú hægri. En það kemur ekki að sök og á hann að koma aftur eftir ár, til að athuga hvort bilið hefur aukist. Við nýttum ferðina til Odense og skruppum á Jensens buffhús við tvö og höfðum það huggulegt.

Í dag skruppum við í smá krabba veiðiferð með ungunum okkar og nágrannanna.

Og svo voru myndir frá Íslandi á símanum mínum. Eins og þessi mynd af flottum frændum

Og þessi mynd af Röskvu sem sofnaði svona alveg útkeyrð

Annars erum við enn að máta okkur í hversdaginn. Ungarnir þurfa að venjast því að við erum ekki lengur í fríi og mamma og pabbi þurfa að versla, þvo, elda og vinna líka…… það tekur aðeins á Svo erum við að æfa okkur í að eiga bíl og þurfum kannski líka að skilja það að þó við eigum bíl, þá ber okkur ekki skylda til að vera á ferðinni

Og ég er búin að bjóða 30 manns í grill á morgun, uppi í skóla. Ákvað að reyna að safna samen einhverju liði og halda upp á daginn. Það er nú ekki á hverjum degi sem maður verður 34 ára

Góðar stundir.